Aadarsh Nepal

शनिबार, माघ ११, २०७६

उधौलि पर्व तथा योमरी  धान्यपूर्णिमा

उधौलि पर्व तथा योमरी  धान्यपूर्णिमा

२६ मंसिर,

आज मार्ग शुक्लपक्ष थिंलाथ्व नेवार समुदायले हर्सोल्लासका साथ मनाइरहेका छन् । ‘योमरी पुन्ही’ ९पूर्णिमा० पनि भनिने यस दिन घरघरमा योमरी चढाएर देवीदेवताको पूजा गर्ने चलन छ ।योमरी चामलको पिठोबाट बनाइने परिकार हो । यसभित्र चाकु वा खुवा राखिएको हुन्छ ।

जाडोयाममा योमरीले शरीरमा ताप पैदा गर्ने भएकाले यसलाई स्वास्थ्यवर्द्धक पनि मानिन्छ ।योमरी पूणिर्मा नेवार समुदायले मनाउने एक महत्वपूर्ण चाड हो । यस दिन ‘योसिं त्यो बकसिं’ नेवारी गीत गाउँदै, नाच्दै योमरी माग्न आउने युवायुवतीलाई योमरी दिएर खुसी पार्ने परम्परा छ ।योमरी बनाउँदा योमरीको साथसाथै लक्ष्मी, सरस्वती र कुवेर, ख्याकको पनि मूर्ति बनाउने गरिन्छ । यस उपलक्ष्यमा छोरी तथा ज्वाइँलाई बोलाएर नखत्याको रुपमा योमरी खुवाउने प्रचलन नेवार समुदायमा पाइन्छ । त्यस्तै योमरी पुन्हीको अवसर बाहेक छोराछोरीको उमेर दुई र चार वर्षको जन्मदिनमा योमरी र लोंचा मरीको माला लगाइदिने चलन नेवार समुदायमा अझै कायम छ ।योमरीसँग सम्बन्धित एक जनश्रुती पनि छ ।

जनश्रुतीअनुसार धनका देवता कुवेर मगन्तेको भेषमा एउटा घरमा खानेकुरा माग्न जाँदा आजकै दिन घरबेटीले कुवेरलाई सन्तुष्ट हुने गरी योमरी खुवाएको र कुवेर खुशी भई धनधान्य होस् भनी आशिर्वाद दिएकाले यो दिनलाई धान्यपूर्णिमा पनि भन्ने गरिएको जनश्रुती छ

प्रतिक्रिया

सम्बन्धित समाचार

ताजा अपडेट

© copyright 2020 and all right reserved to Aadarsh Nepal | Site By : SobizTrend Technology

%d bloggers like this: